..
السلام عليكم
قبل كل شي اعتذر ان لم يعجبكم ماكتبت , فكل الأحداث من ضرب الخيال ..
و كل ما كُتب هو بإعتباركم اخوتي و اخواتي ..
...
رجعت زينب محمد للأستراحه فرحاااانه و حامله اكياس
نونو : قواش الله زوزه .. وش سويتي
زينب محمد : الله يقويش .. وتحضن نونو بقوووه
واااي خلصنا خلصنا .. افتكينا و الأمتحان كان حلو
تدخل عليهم وينك يا غلاي : عساها دوم هالوناسه فرحونا وياكم
نونو : زنوب خلصت اختبار
وينك يا غلاي : والله ؟ عقبال ماتبشرونا بالنجاح
زينب محمد : ان شاااااااااء الله
تدخل حلم السنين وعلى طووووول للأكياس اللي جابتهم زينب محمد
حلم السنين : لحممممم الاااااي
نونو : وعليكم السلام
حلم : اووه نسيت .. السلام عليكم .. لمين هذا اللحم وهالأشياء الزينه ؟
الكل يرد وعليكم السلام
زينب محمد : هذا للحبايب
حلم تغمز لزينب : ومييييييييين الحبايب ؟؟؟
نونو بثقه : وهل في ذلك شك .. طبعاُ اني ..
زينب محمد : فديتتتتش يا قلبي
.. هذا لكم كلكم اليوم راح نسوي باربيكيوووو
حلم تمثل الأغماء : وي امسكوني بيغمى عليي .. ونااااااااااااسه اليوم حفله في الأستراحه مابغينا
وينك ياغلاي بحماس: ايه والله من جد وناااسه خلاص نونو غسلي السلطه باقطعها
نونو : من عيوني
وينك ياغلاي : تسلم عيونك ياغاليه
زينب : خلاص انا راح ابدل واجي اتبل اللحم
ويبدأ التحضير للشوي والبنات في المطبخ بين ضحك و شغل
وبعد صلاة المغرب ..
زينب محمد : إلا وين خد العروس من الظهر مختفيه
حلم : ههههههـ خد العروس صارت عروس من سمعت فيه شوي واكشن راحت تكوي لها ملابس
وتستشور شعرها
زينب محمد : ياحليها هالبنت
زينب محمد تلتفت لـنونو : شفيهم الحلوين سرحانين ؟
نونو : غافله وحشتنا .. ومن جد كان نفسي تحضر ويانا
زينب محمد : الله يوفقها يقولون عندها امتحانات .. ان شاء الله تخلص وتعزمنا على مفطح هههـ
عصفور من ورى باب المطبخ : يالله يالله .. اسمعنا طاري مفطح !! وش صاير ؟
حلم : ههههه جاكم ولد العم
وينك ياغلاي : ولا شي ياعصفور بس نونو تقول ودها في مفطح عصافير
عصفور يمسك طرف ثوبه ويركض: لا يحووووووشك
ضحكوا البنات كلهم
في هذه الأثناء كانت الحديقه مجهزه
العاشق جاب المنقله وحط الرمل .. وراح مع ابو السجاد و بي ام دبليو و سميد و عصفوريال وباقي الشباب يكملوا لعب الكوره
والجسيم .. شغل الفحم و باق فحمه للمعسله<< شفناك لاتحاول
وجلس على البساط يعسل مع عصفور اللي كان يجهز اسياخ اللحم
mooody كان جالس على الطاوله القريبه من الشباب يرتدي برمودا جينز و تي شيرت جديد وقبعه سبورت و يلعب بأضافره
عصفور : تعال ساعدنا له لو فالح في البلع
mooody :ياااي انا اسوي لحم نو .. نو .. مو ستايلي
عصفور يتحرطم : دخد لك ابو الستايل
طلعوا البنات يجلسون على بساطهم على مسافه من الشباب
عصفور : نااااااااااااااااااااااااا
حلم انتبهت على الصرخه : يؤ يؤ صلوااات وش صاير لايكون احترق اللحم زي الدجاجه بعد ؟
عصفور : لا اي دجاجه انتين .. اعظم
الجسيم : وش صاير خلعتنا ؟ صاير شي ؟ تبي فزعه ؟
عصفور : ايه ابغى فزعه .. جيب ريالين باروح البقاله نسينا الخبز
الجسيم يدور وراه وكأنه يبحث عن شي : مافيه لوح اصكك فيه ..؟ خلعتنا على خبز
عصفور : قول ماعندك ريالين وخلاص .. بلا لوح بلا بطيخ
عصفور : باروح اجيب الخبز مو تاكلوا عني
الجسيم : على حسب ههههـ
عصفور : الله يستر شكلي باكل الخبز ويا جبن
الجسيم : انت و حضك
يقوم عصفور يشتري خبز
حلم السنين / جيب بيبسي وياك
نونو / اني ابي سن كولا
زينب محمد / جيب صاص هذا قريب يخلص و جيب لي كابري سن فراوله
عصفور / ابتلشناااا .. كل هالبلع ماخليتوا برينجلز و لا ليز ولا حب مصري وشمسي وبعد تبغوا ؟؟
يالله باصير طيب وباجيب طلباتكم بس ادفعوا فلوس مو قاعد على بنق <<( بنق = بنك ) هههه
الجسيم / احلللللى يا الطيب
عصفور يناضر الجسيم بنص عين ..
راح عصفور البقاله برفقه راجو << يحمل عنه الأكياس
و قام الجسيم مع مساعده eeqnet يصفون اللحم على الفحم
اما البنات /
حلم السنين : والله وحشتنا غافله الله يوفقها
وينك ياغلاي : لها وحشه هالبطه
نونو : شنو رايكم نلعب شبرا امرا ( لعبه نط الحبل )
زينب محمد : احلللللى .. يالله قوموا
حلم السنين : اني بقعد اطلعكم لآني بردانه
اغداً القاك : واني بقعد وياها لآني سابحه ومثلججججججه
زينب مبتسمه لهم : عياااارين
قاموا البنات يلعبون ..
وينك ياغلاي : اهلا وسهلا ماورى خلصتي
نونو : تكلمي من ؟
وينك ياغلاي : أكلم هالعروس ( وهي تأشر على خد العروس )
زينب : وينك .. ؟ تصدقي نسيناك .. يالله تعالي نلعب
خذ العروس : لا توني كاويه ملابسي اخاف يختربوا
حلم : قومي البسي بيجامه ههههـ
ههههههههههههههههههه : البنات يضحكون من كلام حلم
و قاموايلعبون وهم يضحكون على بعض اللي تطيح واللي تتعرقل
وصل عصفور بالسلامه و معاه شختك بختك
عصفور : دحنا جبنا لكم شختكوه
mooody : هاااي مستر شختك ؟
شختك بختك : هاي انت هههـ
عصفور : خلاص يالخوي شيل اللحم بيحترق
الجسيم : يالله شيله
العاشق من بعيد : نجــــــــي ؟
عصفور : حبذا لا هههـ
ابو السجاد : اوووه اكلوووه يالله يالله شباب اللعب بعدين ..
وتجمعوا الشباب على بساطهم ( عدا mooody اللي كان جالس على الطاوله وعصفور يناظره من طرف عينه )
والبنات على بساطهم يتعشون بهدوء يتخلله بعض التعليقات والضحك
وبعد الشوي و العشاء جلس الشباب في حلقه يسولفون وتتعالى ضحكاتهم
اما البنات بعد التنظيف جلسوا في المجلس حتى بدأو بالأنسحاب واحده تلو الأخره متوجهات إلا النوم
وكل عام تاكلوا لحم مشوي
وعقبال مفطح غافله
يهمني رأيكم ..