كلام الناس

السلام عليكم ملوكنا

أشكر بنت العم على طرح الموضوع أولا

و ثانيا الودجز حقي في كلام الناس هو كالتالي

كلام الناس من رأيي يجي على نحوين النحو الأول يكون

عتابي و لمصلحتك و النحو الثاني يجي كحسد و ضيقة عين

طبعا انت كشخص تقدر تميز الكلام الا لمصلحتك حتى لو كان

الكلام فيه قسوة بعض الشيئ لاكن لما تفكر فيه تكتشف ان الناس

الا تكلموا فيه كانوا واقعيين و لهم وجهة نظرهم الا ممكن تفيدك

و أنا كفرد في المجتمع اصغي لكلام الناس و أحاول احلله بقدر

الامكان بحيث اني اقدر استفيد منه فهذا الكلام هو اللي انا

أعيره اهتمام بس طبعا ما يغير في قرارات مصيرية لاكن يمكن يغير

الطرق المتبعة في اتخاذ القرار لأن قرارك انت الوحيد الا تكون

محيط به و أعلم به من غيرك من الناس بس كلامهم يفتح لك أبواب

كانت غايبة عن بالك و تستفيد منها في طريقة صياغة القرار

أو اي شي انت بتقبل عليه أو رأي انت متمسك فيه.

اما الناس الا همهم بس يتكلموا بدون فايدة واضحين من طريقة

كلامهم و ما تحتاج وقت و جهد للتفكر في كلامهم و هؤلاء أنا ما

أعطيهم اهتمام نهائيا لأنهم يتكلموا بدون منطلق و مثل ما قلت

ينطبق عليهم تعبير حسد و ضيقة عين.

طبعا فيه أشياء الناس تعملها و تكون صحيحة في المجتمع لاكن

تجيك ناس تتكلم و تزيد من عندها بغرض التشويه أو عدم الاحساس

بحجم الكلام الا يقولوه يعني احتمال ما عندهم غرض دنيئ بس جهل منهم

بماهية الكلام الا يقولوه , في هالحالة الواحد يسلم أمره الى الله

لأنه ما عمل شي خطأ و لو بيتبع كلام الناس بيتعب معاهم فأهم شي

ان الواحد ياخذ الا يفيده و يستفيد منه مع الا عنده و يعيش حياته

بتوازن اجتماعي.


و سلامتكم