يؤ يؤ يؤ
يومي ههههههـ
والله انكم بتضحكوا وبتصيحوا على يومي
مسكين انا
~..~
يمكن اكتب وااايد بس نصيحتي اقروا للآخر
في احداث حلوه >>>شنو انميشن هوو
بسم الله الرحمن الرحيم
سيداتي انساتي سادتي
يسعدني ويثلج صدري >>>>والله شي هذه يثلج صدري
ايه ويثلج صدري ان ابوح لكم بيومي هذا
ووخير ما نبدا به اذاعتنا لهذا اليوم ...اوه اوه اخذني الحماس خخخخخ
يومي يوم مواطن سعودي طموح مليء>>مليء >>ربع ساعه احاول اكتبها
مليء بالعنفوان والنشاط
اصحى من النوم على صوت اول منبه الساعه 5:20
اهااا قلتوا ليش اصحى هالوقت
انا اصحى هالوقت عشان اطفي المنبه وارجع انام >>>تفكيره سليم هههه
وارجع انام الى حوالي 5:45
اصحى من النوم اتقلب على السرير الى الساعه 6
بعدها احاول اتذكر الحلم بس ما يجي اتذكر المقطع الاول وانسى الباقي ((مثل عصفورو ))
اقوم اخذ فرشتي ومعجوني ومنشفتي الزرقا وانطلق الى دوره المياه
اغسل فيسي الجميل >>امحق فيس
و افرش اسناني
وارجع الغرفه اصليي على محمد وآله
ابدل والبس ثوبي وشماغي واحرص على رزه عقالي
انزل تحت اروح الكراج اشغل السياره واحط كتبي في السياره وادخل افتح الثلاجه ادور لي عصير
مثلا اليوم (عصير توت مشكل الربيع)
الساعه 6:35 اركب السياره وانطلق لأقرب بقاله لان حتى لو شربت عصير لااااااااازم اشرب سن كولا قبل الدوام
ادور لي سيدي حلو اشغله يعني حاجه تفتح لنفس من صباحه ربنا
عااد وانا رايح الدوام انواااع الزحمه
سيارات عربيات باصات واوتوبيسات وتريلات وسياكل ودبابات >>مو دوام بير نفط
من اوصل عند المارينا مول احسن ان الشارع فيه 28379875 مسار بدل المسارين والقهر فيه حفريات بعد
بعدها اوصل الى اشاره الشيريتون وما اطول فيها بس 17 دقيقه لان مو زحمه ابدن
وعند الشيريتون اغير السيدي لان بيكون اخذ لفه من الزحمه
بعدا اوصل الى المواقف وادخل على الساعه 7:15 تقريبا
اوقف السيره بكل روقان واحط المظله وتدخييييين الين يجي كلاس ميتي السيهاتي
الساعه 7:45 تبدا اول محاضره
عاد اليوم شنو اول محاضره
اهاا سالتوني وش اول محاضره
اليوم اول محاضره كانت قرامر وآآآآه على مدرس القرامر
انا بقول لكم اسمه بس تخيلوا استاذ قرامر اردني واسمه سليمان ابو الفول
وش اترجى منه اي تعليم بالله ..؟!
انتهت المحاضره واذا بالبريك ما احلاه سن كولا واحلى زقاره بعد الكلاس
انتهى البريك >>>بسرعه موو
رجعت الكلاس كان عندنا السنغالي (النقر) hadje ndawe
طبعا ممن صوته قبل قبل لا ندخل الكلاس ندري انه موجود
فجأه وبدون سابق انذار
جا مدير اللغه الانجليزيه كلاسنا واعطا الاستاذ اوراق
الحين نتسائل وش هالاوراق
واذا بها جدول جديد
وآآآآآآآآآآه على الجدول
لما شفته ضاقت علي الوسيعه
السبت والاحد صار الدوام من 8 الى 6 المغرب
حاولنا ننقاشي شوي يمين وشوي يسار وفوق وتحت وعل جنب بس ماكو فايده الجدول انطبع وتم اعتماده من قبل الجهات المعنيه
ومن القهر سحبنا على آخر محاضرتين هههههههه
وكل 10 دقايق اطالع في الجدول وانا مو مستوعب كيف يعني بجلس 10 ساعات في الدوام !!
رحت للسياره وانا ادخن حزييين على حال الجدول
اللي بيعتمدوه من بكره والله يستر منه بس
ورجعت البيت وانا مشغل صديقي (قصي) واتنقز في السياره يمكن انسى الجدول
والحين هذا انا تو تغذيت وجيتكم ع النت
وقلت لكم قصتي الحزينه مع جدولي الجديد
~~.~~.~~
ادري يومي طويل بس خوش يوم
حتى لو كان فه بعض الاشياء اللي تعكره بس بيظل يومي ومكتوب علي كل اللي فيه ولازم ارضى باللي يصير فيه >>>>غصب مو طيب
طبعا جدول اليل بايخ بس في الديوانيه بلوت وكوره وحش
وسلامتكم
احلى تحيه