يالله راح افتتح الموضوع
عشان تتحمسوا بعدي
1- في أي عام بدأت بصيام شهر رمضان وكم كان عمرك ...وكيف كانت حالتك ؟
والله ما اذكر متى بالضبط بس اكييييد جننتهم متى يأذن ؟ وعطشانه ؟ هههـ
وهل كان برغبة منك ام بضغوط أسرية ..؟
اتوقع رغبه مني في تقليدهم
2- في بدايتك مع الصيام كم عدد المرات التي أكلت فيها دون معرفة أهلك ؟
اوووووه كثير ايام الجهاله هههـ بس اكثرها تطيح عليي امي وتقول يالله اليوم اكلي بس بكره صومي لا تاكلي زين ؟ و اعود اعيدها
بس بعدين كبرنا خلاص و فهمنا
3- اول شخص تبآرك له بالشهر ؟وليش؟
اول شخص ؟ امممم اي احد اقابله في طريقي خخخ
4- لو كلفت بـ مقآضي رمضآن وش اكثر شي راح تشتريه؟
اممممم مدري يمكن قشطه و جبن كيري
5- متى أول مره طبخت في رمضان وكم قدر احترق من تحت دياتك؟
واااااااااااال من زمااااان بس كنت ما اطبخ اذكر تخليني امي احرك الباشميل او تخليني امسك خلاط الكيك
و اجيب لها ملعقه او اطفي النار هيك شي .. لحتى احترفت هههههـ
واول مره حرقت قدر ماكان في شهر رمضان كان يوم عادي حرقت مقلاه و سمبوسه
6- ماهي الذكرى التي تزورك في رمضان؟
عيد ميلادي
و ذكرى رحيل صديقتي
7- مسلسل رمضاني أو برنامج كنت تتابعه على الفطور وأنت صغير عالق في ذهنك الى اليوم ؟
وهو فيه غيره طاش ماطاش
بس اذكر العصر كنا ننسدح قدام داك التلفزيون الأثري و نشاهد فوازير رمضان في السعوديه وبابا فرحان ههههـ
8- هل خططت لرمضان بشكل مختلف هذة السنة ؟
وين اخطط بعد راح نصه على هالتدريب .. ان شاء الله نغتنم النص الباقي بالأعمال
9- شخص تتمنى دوماً أن يجاورك على المائدة الرمضانية ؟
ما احد خخخخخ عندي اللي يكفي
10- كيف تكون نفسيتك برمضان من الناس المروقه ، ولا الجوع كافر وتستنى وقت الافطار ؟
لا عادي احيان اروق واحيان مالي خلق روحي
العن حتى الدبانه اللي تمر قدامي لكن مو من الجوع ,, بس كذا لعانه
11- طبق رمضاني لا تتنازل عنه في سفرة الافطار ؟
اممممم عادي النعمه كثيره
12- موقف طريف لا يغيب عن بالك حدث لك في رمضان ؟
في عيد ميلادي
كانت صديقتي الله يرحمها داخله علينا وشايله كرتون كبيييييييييرمغلف و شرايط وحركات ( الهديه )
وحطته عن الباب وسلمت عليها وهي احسها تعبانه من الكرتون ,, بعد ما خلصنا الحفله جيت اشيل الكرتون
طلع خفيييييييييييييف خخخخخ وكان فيه كيس صغير داخله مبلغ مالي ( فلوس ) بس ذكرتها وهي شايلتنه وتمثل عدل على انه ثقيل
يوم اكلمها تقول ليي شخبار المكرويف ؟ لآن حسبته مكرويف او مكنسه من كبر الكرتون ههههههـ
الله يرحمها و ينور قبرها .. مواااقف وياها لا تنسى
13- كيف يكون برنامجك اليومي في رمضان من وقت استيقاظك من النوم الى نهاية اليوم ؟
اجلس الظهر << قصدها العصر هههـ
اصلي و احوس في الغرفه شوي ..
بعدين انزل أأذي خلق الله اللي تحت خخخ والساعه اربع اسحب الرموت و ع الوطن اشاهد زواره خميس
بعد ماينتهي ع المطبخ طواااالي إلى الأذان .. اصلي و نفرش السفره بعدها نرجع للمطبخ الميمون واغسل الصحون و اكنس الصاله
واسبح واجهز قشي و ع المعهد << هذا ايام الأسبوع
اما خميس وجمعه بعد السباحه احط الأنوار 1 واشاهد السيد الفالي الله يحفظه و بعدين نت .. و اني افرفر في التلفزيون
بعدها وقت التوجه إلى الله .. ونص الليل نشوف إذا فيه شي نسويه .. وإذا مافيه ابسط ع النت لحتى يجي حروف والوف وبعد ماينتهي اركب اجهز للصلاه و اصلي واستنى انعس و انام وهكذا ..
14- هل تحرص على السحور ؟
احيااان إذا مافطرت كويس واحيان اكتفي برمانه هههـ
15- ماذا يعني لك ..
الفيمتو والقيمات
اووووه الحبايب ديلا
السحور
سُــــنه
الفراقيع
ضرر ومالها داعي بالحياه
اللحم المشوي
نكهه الشهر الفضيل
16- شخص تفتقده في رمضان ؟
صديقتي الله يرحمها و توفت في شهر رمضان
17- مشاعرك ليلة الاعلان عن شهر رمضان ؟
فرح اكييييييد بس خربوها صار الهلال هلاليين ,, و يوم الشك صار اسبوع الشك
18- وجه دعوه لــ خمسه من أعضاء المنتدى على الإفطار ؟من ستختار ؟
5 ؟
ابغى البنات كلهم
19- ( اختر واحد من اثنين )
1- تحب في رمضان .القهوة أو الشاي ؟
القهوه اكييييد
2 – رمضان في الصيف أو رمضان في الشتاء ؟
الشتاء
3 - في رمضان تحب الأنترنت أم مشاهدة التلفزيون ؟
النت << تشاهد فيه ههههـ
4- في رمضان تحب النوم المبكر أم السهر ؟
السهر
هدرت واجد صح هههـ
يالله دوركم ,, مـــــــــــــــــين بعدي ؟؟؟