يــــــوم في حياة عضو

هههههه لا بعد في مجال تروحين مني مناك


حلو يومج ويعطيج العافية يارب

بكرة راح اكتب ليكم عن اليوم

الحين مو مركز اخاف الخبط في التوقيت

ننطرك جسووم

ط
بعا راح نتكلم عن يوم الخميس لانه اليوم اللي كان في اكشن

طبعا توني اكتب الموضوع لاني كتبته من قبل وانفصل النت .. ومادري وين راح الموضوع .. اهئ اهئ

الموهيييييم

يوم الخميس الفجر نمت بعد الاذان يعني على الساعة 5 .. وصحيت الساعة 6 الصباح .. مالحقت حتى اغمض

نزلت غسلت .. عورني عيوني من الماء .. حرق عيوني .. تدرون ما نمت شي

حلقت طبعا وسبحت وتجهزت وكشخت وصخنت السيارة ورحت محطة البانزين شيكت على السيارة وعبيتها بانزين وشريت لي فطيرتين وعصير من البقالة

اطالع في الساعة الا الساعة 7 وربع .. واااااال .. المحاضرة الساعة 8 .. وارمي فلوس البانزين على الهندي من الدريسة ويييييح << صوت كفرات السيارة

واطير على الشارع .. طبعا مسكوني امن الطرق .. وعطوني مخالفة .. محاولة طيران

وصلت الجامعة .. كان عندي انجليزي .. طبعا الدكتورة تشرح من صوب .. وانا مركز في النوم من صوب ثاني

احلى كلمة سمعتها في الدكتورة هي دسميس يعني انصراف .. ياهوووووووووووووو

واطلع من الكلاس وسويت شبقة في الرجستريشن ودخنت لي 2146308 سيجارة من القهر داك اليوم

وصلت الساعة 12 .. الا صاحبي جاي ومنزل خطيبته الجامعة .. هي نزلت وانا ركبت .. رحنا صلينا .. وتغذينا .. ورحنا لينا كافي شوب

وصلت الساعة 2 الا باتصال خطيبته .. وطبعا هو رجع الجامعة عشان ياخذ ها ويرجع بها السعودية .. وانا رجعت السعودية دغري

طبعا تأخر في الجمارك بشكل خيالي .. وما وصلت البيت الا الساعة 4 تقريبا

وعلى الساعة 5 العصر انام .. واصحى الساعة 7 .. واقوم افز .. اسبح .. والبس واكشخ بشماغي وثوبي عشان اروح زواج حبيبي وصديقي

طبعا توني طالع من البيت بالسيارة .. الا الزفة حق المعرس في ديرتنا .. وامشي وراهم للصالة

رحنا الصالة وضحكنا وسولفنا .. طبعا امة محمد هناك .. زححممممة .. المهم .. واتذكر انهم قالوا فيه عشاء اليوم

واقعد ادور في ذيك الصالة الله وكيلكم فيها 17 غرفة وزي المتاهة .. بس انا امشي على الريحة

والحمدلله اصيد صحن من بعيد .. واربعة ياكلوا فيه .. من ظمنهم واحد اعرفه في ابتدائي .. طبعا ما اعرف اسمه ولا شي بس اعرف ان هذا اعرفه


واشلح كمامي .. السلام عليكم اخباركم شباب .. واجيب لي عصير من الطاولة المجاورة واقعد على الكرسي .. هههههههههه

اطلت لزين شبعت وزي ما قعدت .. قمت .. الحمدلله يلا شباب نشوفكم على خير << طبعا طول الوقت اكل وانا ساكت والكل مبحلق فيني بس حاقرنهم


غسلت يدي وشربت لي شاي واكلت لي تمرتين .. وطبعا ابي اطلع الحين

وكل ما امشي خطوة اشوف واحد يبي يسلم علي .. هاه وشخبارك ايش مسوي .. الخ

طبعا عذان اطلع اخذت لي ساعة كاملة ( ما امزح ) .. وما طلعت الا لما تلثمت بالشماغ

رجعت ادراجي وانا اتصل على عصفور .. واروح ليهم الكورنيش .. ونسوي لينا معسل من اللي يحبه قلبي

وقعدنا سوالف وحش وضحك على بعض ونتسمخر على بعض << سكرانين مو صاحيين .. طبعا سكرانين من قلة النوم

وفي الاخير كل واحد راح بيته

انا رحت البيت .. وسهرت قلت خليني اصلي الفجر وانام .. طبعا اذن الفجر .. قمت بروح اصلي .. ما شفت نفسي الا نايم .. هههههههههه

وبهذا انتهى يوم من اطول ايام حياتي

تعبت وانا اكتب

اهااا زين يومك حلووو

بس وين محاضرة العربي من الاعراب

حلم السنين كتب:

اهااا زين يومك حلووو

بس وين محاضرة العربي من الاعراب

طنش تعش تنتعش

خلني اكتب لك يومي الا هو امس دام فاضية ولا عندي حاجة تشغلني


صحيت من النوم ساعة 1 وشوي ع صوت تلفون ويقولون لي النتايج طلعت .. قلبي بدا يدق بقوة كأنهم يقولون لي عندج مقابلة عمل او بتشوفين حد تتمني تشوفينه او شي

وظليت اهدر في تلفون ثلث ساعة ع هالنتايج وفتحت جهاز وبعد مليون سنة فتح الا مافي شي..

بعدها دزيت مسج الى ناس وكنت متمللة اقوم احس بخمول وبعدها رد رن تلفوني وتكلمت يمكن ربع ساعة بعد في تلفون وجلست ع النت ونسيت عمري اني ما صليت بس بعد شنو تذكرت

وبعدها قمت صليت وسبحت وانا احط لي كحل الا تلفوني يرن بنت خالتي تقول لي عن خطوبة اختها ومتى .. ورديت رجعت الى النت اشوف نتايج طلعت او لا..
ورد رن تلفوني من جديد ورديت

ع الساعة 4 وشوي قمت من ع النت

وجلست ارتب اموري قبل لا اروح جامعة واشوف وين كتابي
عندي وقت طويل رحت اشاهد التلفزيون وعجبني المسلسل وجلست اشاهده ونسيت عمري

خمس ونص طلعنا من البيت الى جامعة ووصلت ست الا ربع يعني عندي ربع ساعة جلست عند الكافتريا وحطيت يدي ع خذي اطالع الناس واسمع البنات الا طلعت نتايجهم والا ما عجبنها الوضع والا وحده باقي شوي وعينها تدمع...

شفت وحده كانت وياي الفصل الا راح جلست شوي تسلم وتسال وش عندي ومن هالكلام

بعدها شفت دكتور المادة اقول في قلبي يقول هذا يغيب

وصلت ساعة 6 ومافي حس ولا شفت احد من الا وياي في المحاضرة بعدها 6 وخمس رحت الى للكلاس يمكن اشوف احد الا ظلام ومافيه احد

شافتني وحده وقعدت تسال اقول في قلبي يلا حصلنا لنا وحده تهدر وياي ع الاقل يضيع الوقت ..بعدها شفت زميلتي وسوالف هاليوم كل عن نتايج وهالخرابيط وكانت تبي ادز لها ايميل قلت لها ان شاءالله

بعدها قرر دكتور ظريف يدخل محاضرة

ويسالنا تبون الامتحان هالوقت وهو اصلا محدد الوقت ومخلص مادري ليش يسال

وبدا بخفة الدم

بعدها يمكن بربع ساعة سمعنا صوت انفجار قصدي صوت جاسم هههههه مستانس ع اسمه يقول الى دكتور جاسم محمد مادري ايش لين خلص اسمه

وفي المحاضرة لازم انحش شوي عطانا دكتور نكتب الاسماء في وحده من دفعة 2003 الا اسوي حركة حق الا صوبي شوفي من اي سنة والا وياي فتحت عيونها مستغربة

وصلنا نص المحاضرة وانا رحت بعيد وبالي ابعد

مادري شلون دكتور طاح علي وعرف اني سرحانة الا يطالعني ويسالني

بيني وبينكم حتى سؤال ماسمعته


قلت له وش دراني مادري

يقول لي ليش انتي مو ويانا هزيت راسي لا
بس موقف بايخ والكل ضحك وانحرجت كان ودي احمل روحي واطلع بس مادري شلون صبرت عمري وجلست

وخلصت محاضرة وقال لنا عن الامتحان وهو يتكلم يطالعني يقول الا مايحب المادة يدرس عدل

اقول في قلبي وش هالبلوه الله لا يطيح احد في شره

طبعا ماصدقت ع الله تخلص محاضرة واطلع ع طول لان مو ناقصه تعليقات

رحت جلست ع طرف الدرج مكاني المفضل تذكرت مكتب هالدكتور وراي ومالي خلقه


شفت جاسم ابتسم وقال بجي هزيت راسي ان شاءالله يعني

غيرت مكاني ورحت عند الكافتريا جلست اطالع مني مناك الا دكتور في وجهي يبتسم اقول في قلبي يجرح ويبتسم

رن جوالي الا زوجي مسوي لي مسكول يعني طلعي انا بره انطرج

طلعت من جامعة وانا موصله حدي اصلا الدمعه في طرف عيني من القهر كنت من الاساس مابي احضر وش الا خلاني اروح مادري


قلت الى زوجي ابي اروح بيت ابوي شوي وبعدها بروح .. ما كملت كلامي الا هذا يزفني

انقهرت وظليت طول الطريق ساكته

طبعا رحت مشوار الثاني الا ابيه بس بيت ابوي لا


وصلت البيت وصليت وفتحت جهاز قلت يمكن طلعت نتايج شفت ما طلعت


رحت شغلت الغساله وحطيت للثياب ورتبت هالشقة الحلوة

وجلست افكر وافكر وافكر

بعدها قطع تفكيري الجوع ما اكلت شي يوم كامل

وانا يازعم زعلانة وماده بوزي قلت مالي الا هالخرابيط جلكسي وفيمتو وغيره

ضاع الوقت ورحت انشر للثياب ورديت اشوف النتايج طلعت او لا مافي شي

شفت بنت عمتي اون لاين قلت اعدل مزاجي وياها وناسة احب اعاندها


وظليت ع مسن الى ساعة 1

الا اشوف واحد في وجهي يطالعني وش فيج ماده بوزج كأن متوفي احد من عندج

طبعا مارديت لان مالي خلق



بعدها دخلت منتدى الا غافله موجودة قعدت وياها في الاستراحة شوي وماقصرت عطتني اكل ههههه

بعد طول هاليوم حطيت راسي ع مخدتي وبدات الافكار تاخذني وترجعني مرة يمين ومرة يسار

لين نمت ودخلت في عالم الاحلام

وبعد بكتب يومي دام ماحد له خلق يكتب

رن المنبه يعلن يوم جديد ويعلن لي يوم متجدد كله امل
اول ماسمعت صوت المنبه كان ساعة 6 ونص من كثر التعب اقول اي غبي متصل هالحزة في نهاية طلع المنبه .. جلست افكر ليش ليش تذكرت عندي جامعة..إبليس يقول لي لا تروحين احسن وقعدي.. قمت عناد الى إبليس طبعا اول ما اصحى سكرانة مرة يمين ومرة يسار...
وبعدها يلا صلاة ودام بطلع من صبح مابرجع بالليل لازم شقتي تكون كلها نظيفة بديت من مطبخ ويبدأ تنظيف خلصت من مطبخ رحت صالة احسن شي صالة نظيفة ومافيها ولا حاجة وبعدها الغرفة الا نجلس فيها هني مصايب ويبدا ترتيب وتذكرت ليلة جعة يعني لازم اجهز حق الا عندي ثياب واحطهم له في مكان يشووفه عشان لا يعفس لي المكان
وبعدها يلا ركيض ع الحمام عشان اخذ دش بماي البارد واعدل مزاجي متعكر
وبعدها يبدا تفكير شنو البس وبعدها يلا نحط لنا شي خفيف ع وجهنا
ومافي اي مجال للدلع عندي وخصوصا اذا ما كنت نايمة الا ساعتين

صوت انفجار (طبعا صوتي ) اصحي زوجي قووووووووووووم بنتاخر
وصحى ويلا بدا تحرطم من صبح ع واقفه عند مرايه اعدل شيلتي(طرحتي) ويقول ع هالحالة يبي لنا كل واحد مرآية .. طبعا مالي خلق من صبح حد يهدر فقررت احقره عشان يسكت .. حملت كتبي ومشيت ركبت سيارة وانا ساكتة مالي خلق زف من صبح .. ههههه وكل ما اطوف ع فيلا معينة تبدا احلامي وامنياتي و زوجي طبعا عبارته الشهيرة اهم شي احنا بصحة وعافية
بعد ما اخلص احلامي ع فيلا ارد اسكت ويعم الهدوء من جديد، بس هالمرة زوجي الا قعد يتحلم ويخذعني باحلامه طبعاردت عليه بنفس رده اهم شي الصحة والعافية ومد رجولك ع قد لحافك طبعا نقهر مني وسكت ..طبعا لازم يمر البقالة يشتري له سندويش وعصير لان لو يصير خسوف وكسوف مابسوي فطور له
وصلنا الجامعة وسألته سؤال وعصب علي وزفني ..طلعت حرتي في باب سيارته ودخلت جامعة

وصلت قبل محاضرتي بساعة ونص جلست حاطه يدي ع خذي اطالع الرايح والجاي واطمش واسمع سوالف البنات وبعد طول انتظار دخلت محاضرة وكنت محتاره ادخل للكلاس او لا في نهاية قررت احضر وصلت ساعة 12 الا ربع طلعت من محاضرة ورحت قسم تسجيل وبعدها للمرشد وبعدها مكتبة وبعدها رحت اصلي وبعدها جلست انطر زوجي واتصلت ع بنت عمتي اسالها شنو غذاهم فاضية حدي..
ساعة 1 بالضبط جى لي زوجي قلت له نسيت لاب توبي وابيها ضروري قبل لا اروح بيت عمتي قال لي من عيوني استغربت من متى
وردينا مرينا ع فيلا ع الا عاجبتني وبدات الاحلام من جديد بس هالمرة زوجي قال لي ما في اكرم من رب العالمين يمكن في يوم من الايام نسكن في فيلا وبهذا المستوى

ومرينا ع رفاع فيوز وردت الاحلام خخخخ
وصلت بيت عمتي ساعة 2 ونص لان الطريق زحمة .. طقيت الجرس الا عمتي ترحب وتسهل وتقول من زمان ماجيت عندهم اتغذى من سنة وشوي .. دخلت طبعا هالبيت كأنه بيت ابوي قبل كل اهناك حتى نوم انام والحين يازعم استحي منهم ..دخلت هدوء الكل مسافر مافي الا وحدة من بنات عمتي وجلست وياها في الغرفة جى ولد عمتي العيار اوووه بنت الخال اهني اشوف البيت منور طبعا لازم ارد بنورك والله
وبعدها تغذينا ذاك الغذى الا خلاني انسى اسمي من حلاته
بعدها جلسنا شوي نسولف انا وبنت عمتي وكل وحده فتحت جهازها وسوالف وضحك وحش في الاودام
ساعة 4 رحنا مقبرة مادري وش سمونها مقبرة او لا لزيارة الاموات رحمة الله عليهم ..جو هناك مو طبيعي مو كأني في مقبرة وظلينا للساعة 5 الا ربع وطبعا شفت عمي في مقبرة الا اقول الى بنت عمتي سمعي وش بيقول لي الحين
رحت له وسلمت عليه الا يقول لي انتي من متى اهني ؟ باسلوب غير شكل قلت له من شوي تقريبا ويقول لي ليش ماتجين البيت ناس تمرض وتسافر ولا عليج من احد طالعته وانا ساكته
وجلست مكاني اقرا قران ولا علي منه
وبعدها رحنا بيت عمي لا يقول شافنا ولا رحنا بيتهم وجلسنا في بيتهم نص ساعة طبعا هم يسولفون وانا مسطلة ابي انام
دام وصلت بيت عمي لازم ادخل بيت اهلي طبعا الكل مسافر وشفت اخوي يلعب في الملعب كوره بس قلت بدخل اشم ريحة اهلي طبعا عندي مفتاح
وبعدها مشوار ثاني بيت ابوي العود اول ما شافتني امي العوده استانست عدل لان ما شافتني من شهرين وطبعا شفت عمتي وزوجة عمي وعمي هناك وعمتي حامل جلست اسولف وياها عن حمال وهالخرابيط
طلعنا من بيت ابوي العود الا في سيارة صاكه علينا مانقدر نطلع الا بالغصب وخصوصا احنا بنات
طبعا بنت عمتي قعدت تسب وتلعن ههههههههه لين قدرت تتطلع من هالصكه واخير شي الا سبته طلع عمي لان طلعت سيارته
ردينا بيت عمتي وصلينا وجلسنا وجت عمتي باكلها الا غصب اكلوا مانبي
ساعة 7 الا ربع رحنا بيت عمتي الثانية واستانست لان شافتني لان ما رحت لها بيتهم يمكن من سنتين او اكثر
جلسنا نص ساعة وبعدها طلعنا
رحنا مجمع اول شي طبعا محل الأثاث لان ابي اشتري اشياء للشقتي
وبعدها ندخل محل ونطلع من محل
دخلنا محل طبعا نمشي ونسولف ولا علينا من احد
شافنا عمي الصغير الا متصل الى بنت عمتي يقول اناديكم ولا تعطون وجه وردينا رجعنا محل من جديد وسلمنا عليه وع زوجته الا يقولون ما عجبهم الوضع بيروحون مجمع ثاني الا اغمز الى بنت عمتي نروح وياكم نشوف وش يقولون وظلينا نسولف عشر دقايق وطلعنا عنهم وظلينا ندور وندور وماعجبنا ولا شي
قررنا نشرب كوفي وناكل كيك وسوالف ونطالع في خلق الله ونتكلم في سياسة شوي وعن الاعراس شوي وعن جامعات
وبعدها قلنا بنتعشى الا تقول لي بنت عمتي تعالي وياي نطلب قلت لها روحي بروحج بقعد خلاص تعبت اتقول لا تعالي رحنا وطلبنا لنا عشى
واحنا نتعشى مرت علينا وحدة وزوجها الا تقول الى زوجها احنا تسوقنا وتعشينا وهذين كانوا يتعشون وخلصنا وبنمشي وهم بعدهم هههههههههههههههههههههه عاد انا ذاك الوقت جلست اضحك وبنت عمتي تقول نحب ناكل ع راحتنا
واحنا ناكل الا تمر علي وحده وياي في جامعة ولابسه نفس للثياب الا عليها الصبح ويبدا الحش
وبعدها مرت علينا وحده وطالعنا من فوق الى تحت وطبعا مو علي انا هالنظرات وجلست اطالعها ومانزلت عيوني ويبدأ الكلام الحلو في حقها والعكس صحيح وفي نهاية تذكرت من تكون هذي

ساعة 10 وشوي قررنا نمشي لان خلاص خلصت طاقتنا وكل وحده جالسه ساكته من كثر التعب
الحين بننزل انا اقول لها بنزل من مصعد وهي تقول بنزل من سلم متحرك وكل وحده تعاند ثانية
وفي نهاية وصلنا الى سيارة وظلينا ساكتين ومسندين راسنا ع الكرسي من كثر التعب
طبعا اتصلت ع زوجي ترى انا خلصت هياته اذا بتجي

وصلنا بيت عمتي 10 وربع طبعا مرينا ع مجلسهم الا في حريم لازم نسلم وتبدأ الاسئلة ياربي
الا بنت عمتي تسحبني من يدي تعالي بوريج شي .. فهمت علي مضايقة منهم

دخلنا الصالة الا زوج عمتي جالس بروحه وطبعا انا وياه عادي وغشمرة وسوالف واناديه باسمه وهو ع طول يضحك ع خبالي ..

دخلنا الغرفة خلاص اقول الى بنت عمتي انسي اسمي هالحزة واخر مرة نطلع يوم الخميس لان احب الجمعة نكون مرتاحين
ظلينا منسدحين وسوالف وجلست تترجى فيني عشان انام وياها ، اقول لها مابي انا متعوده انام يوم الجمعة الى مغرب تقول لي عادي ومادري شنو قلت لها لا

بعدها جت زوجة اخوها واخوها واعيالهم
وعندهم اكل بعد قلت لهم خلاص مابي اشم ريحة اكل ولا حد يتكلم لي عن الاكل
وردينا نسولف عن الاثاث وعن هالخرابيط واقول لها شنو ودي اسوي الا تقول لي نفس اخوي مسوي قومي بوريج ورحت وياها شفت الا بالضبط نفس ما ابي قلت لها خلني اسأله كم كلف وهالسوالف

ساعة 11 الا ربع رن جوالي يعلن نهاية للهياته الا اقول الى بنت عمتي قومي وصليني عشان نحش في زوجي شوي وبوريج شي

ههههههههه ظليت عند باب بيت عمتي ربع ساعة اسولف واهدر وزوجي يطالعني وهو معصب ولا علي منه

ركبت السيارة وصلت له كلام قالته بنت عمتي له فهم قصدها وابتسم

طول الطريق يبدا تحقيق وش سويتي وين رحتي وشنو اكلتي واستانستي او لا
وصلت البيت وسبحت والحين ع النت وخلص يومي

يعطيك العافية على هاليومين حلم


بس تدري ؟

انتي كتبتي يومين في ردين

انا راح اكتب رد واحد في يوم واحد .. عن يومين
<< لاني كنت قاعد لمدة يومين

aljaseem كتب:

يعطيك العافية على هاليومين حلم


بس تدري ؟

انتي كتبتي يومين في ردين

انا راح اكتب رد واحد في يوم واحد .. عن يومين
<< لاني كنت قاعد لمدة يومين

ننطرك

يعطيك العافية ع اليوم بس كل لعب في لعب

بعدك لاحق اذا بترووح ..

(يوم ما باروح وياهم قالوا بنروح )

في مره قلنا لك تعال وجيت ..؟


ع عالموم اتمناك تيجي معانا ع الاقل نتجمع ...
من زمان ما تجمعنا

اذا حبيت تروح (ياليت والله ) دق عليي او على اي احد


تحياتي

نمت ساعة 5 صبح وصحيت الساعة 2 الا ثلث
مزاج متعكر ومالي خلق احد
طليت صوبي الا زوجي نايم
ظليت منسدحه بدون هدف وافكار تروح وتجي تلعب في مخي وبعدها ساعة 2 وخمس يمكن قررت اقوم
اول شي شغلت الكمبيوتر وشغلت التلفزيون لو حتى مالي حاجة فيهم
ساعة 2 ونص اتصلت وما كان لي خلق اصلا بس حبيت اشوف سالفة الاودام وياي

وبعدها دخلت الحمام اسبح واعدل مزاجي ، ساعة 3 دخلت الغرفة عشان امشط شعري وتبدأ اول هوشه من زوجي توج طالعه من حمام وداخله والمكيف يشتغل خووب اليوم الاخلاق كلش وارد عليه بدون نفس وش يخصك انا الا بمرض او انت ، طبعا هو عرف ان اخلاقي اليوم مو شي قرر يسكت وهو يطالع
ساعة 4 اتصلت امي تسالني اذا بروح وياهم او لا عشان يمروني او بروح ويا زوجي طبعا مكالمة هلا زينة ايه زين نايم لا لا مابروح مشغولة باي ههههههههههه وتبدا الهوشة الثانية ويا زوجي حد يكلم امه بهذي الطريقة وتنزل نصايح وبلاوي وقلت له امي وكيفي ... قال اطلع احسن وبديت مشوار الغسيل وتنظيف وانا ساكته طبعا اليوم مافي فطور مافي غداء وصارت الهوشه الثالثة طبعا لعنت ام الساعة وزوجي زعل ومد بوزه قلت له لو تزعل من اليوم الى السنة الجاية مابدلع احد
ساعة 5 الا ربع فتحت الواجب والكتب وبديت اشتغل عليه الى ساعة 10 وشوي
طبعا خلصت بس السؤال الاول باقي اسئلة غير بعدها رحت اطالع من دريشة وقفت خمس دقايق بعدها تمللت ورجعت
طبعا اليوم ما ظل عندي حد يحبني من كثر ما زفيت الاودام
هذا يومي

ننطر يوم من ايام الاعضاء

جسووووم يعطيك العافية ع هاليوم

وش شريت من مجمع

راجا ابو ظهر الطويل خخخخ

لا يكون تقصد القاعة الا برع المغبره بس قاعة كبيرة

اهم شي سويت في الامتحان كويس وما ينخاف عليك يا المدير الغالي

عليك بالعافية يارب